నిన్నెంతగానో చూడాలనీ,

నీతో ఎన్నెన్నో మాటాడాలనీ,

నేనెంతగానో అభిలషిస్తుంటే,

నా మనసెంతో ఆకాంక్షిస్తుంటే,

ఏంటి ప్రియా ఈ ఎడబాటు

ఇది నాకు పిడుగుపాటు

అరే ఏంటి నా హృదిలో ఈ తడబాటు

అవును, నేనర్థం చేసుకోవడంలో పొరబాటు

ఏ అనుభవమూ కాదే వ్యర్థం

ప్రతిదానిలోనూ బోధపడుతుంది సత్యర్థం

అవును నాధా, అర్థమవుతుంది మన సంబంధం

పరిమళ వీచికలు వెలయిస్తోంది మీ ప్రేమ గంధం

ప్రేమలేఖ గా వ్రాశావా ప్రభూ ఆ పరిశుద్ధ గ్రంథం

అబ్బ, వర్ణించలేనయ్యా నీ అందం

ప్రేమ ప్రేమను ప్రేమగా ప్రేమించడం కాదిది

ప్రేమరహితుల్ని ప్రేమాస్వరూపి ప్రేమతో జయించడమిది

కరుగుతోంది ప్రభూ నా హృదయం

కలుగుతోంది నాలో ప్రేమోదయం

అర్పిస్తున్నాను నాధా నా జీవన సుమాంజలి

ఆలపిస్తున్నాను ప్రేమగీతావళి